Dronningi naalagaaffeqatigiinni imarmik eqqumiitsuliamik tunisittoq
Dronning Margethep aappaata ukiuni 50-ni dronningiuneranut atatillugu danskit naalakkersuisui Folketingilu eqqumiitsuliamikn tunissuteqarput.
Eqqumiitsuliaq “Imaq, Havið, Havet” naalagaaffeqatigiinniittunit eqqumiitsuliortunit pingasunit suleqatigiinnikkut suliarineqarpoq. Tassa kalaaleq Jessie Kleemann, savalimmiormiu Hansina Iversen danskerlu Gudrun Hasle.
Eqqumiitsuliaq Nordatlantens Bryggep talittarfia qalipaasiilluni kusassaaneruvoq.
Eqqumiitsuliap atiatulli eqqumiitsuliaq imaanik takusassiivoq. Eqqumiitsuliortut pingasut tamarmik immikkut sunniuteqarput.
Hansina Iversenip ullorissat 18-it assigiinngitsunik qalipaateqartut savalimmiormiunullu pingaaruteqartut suliarai. Ullorissat tamarmik Savalimmiuni qeqertanut tunngapput.
Jessie Kleemanip aalisakkat angisuut pingasut, saarulimmik naalagaaffeqatigiit imartaani tamarmi angalasumut takussutissiisut suliarai.
Gudrun Haslep seqiniusaat angisuut imaani siammarterpai.
Kultureqarnermut ministeri, Jakob Engel-Schmidt dronningimut tunissummik ullumi tunniussisuuvoq.
Tamatuma kingorna eqqumiitsuliortut tunissut dronningimut takutippaat.
