Assi: Destination Arctic Circle/Flickr Creative Commons

RAL-ip suliumajunnaartoqarnera assuaraa

Aalborgimi sulisut pingasunngormalli unioqqutitsillutik suliumajunnaaqqanerat Royal Arctic Linep assuaraa. Umiarsuaatileqatigiiffik Namminersorlutik Oqartussanit pigineqartoq tusagassiuutinut taama nalunaaruteqarpoq.

Royal Arctic Linep Aalborgi qimallugu Aarhusimut nuunnissamik aalajangerneq pingasunngormat saqqummiummagu suliumajunnaarneq pivoq. 

AAMMA ATUARUK RAL-imi sulisut ullut pingajussaanik suliumajunnaaqqasut

RAL-ip aalajangernera sulisunut tusarliutsinnagu tusagassiuutitigut nalunaaruteqarsimaneq naammagittaalliuutigaat. 

Tusagassiuutinulli nalunaaruteqarnikkut Royal Arctic Linep naqissuserpaa sulisut Aalborgimiittut RAL-ip aalajangiussaanik oktobarimili ilisimatinneqarsimasut. 

AAMMA ATUARUK RAL-p pisortaa: Aalborgimi sulisut ilisimatinneqareernikuupput

Taamaammat suliumajunnaarneq, umiarsuit uninngasariaqarneranik kinguneqartoq, RAL-imit assuarineqarpoq. 

- Sulisut Aalborgimiittut unioqqutitsillutik suliumajunnaanertik, ulluni tallimini kinguaattoornermik kinguneqartoq, ingerlateqqippaat, naak oqaloqatigiinnissaaq eqqarsaatigalugu aaqqiissutissamik nassaartoqareeraluartoq. Tamanna assuarnarluinnarpoq, pisortaaneq Verner Hammeken tusagassiuutinut nalunaarummi taama allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!