KNR Radiukkut ilaqutariinnut nalorsitsaarineq

Tusagassiortoq ilisarisimaneqarluartoq Apollo Jeremiassen, arfininngornerit tamaasa radiukkut toqqaannartumik tusarnaartartunik nunarput pillugu nalorsitsaarisassaaq. 

Radiukkut nalorsitsaarineq ukiaq manna nutaaliatsinnut arlaqartunut ilaavoq.

- Aliikkutassiamik ilinniarfiutigisinnaasumik ilaqutariinnullu tulluarsinnaasumik aallakaatitassiaqarnissaa kissaatigaarput, KNR Radiomi aaqqissuisoq Alice S. Olsen oqarpoq. 

Eqqugassartalik

Arfininngornerit tamaasa Pisiffiup pisiniarfiinut pisissutissaq 1.000 koruunimik nalilik pissarsiarineqarsinnaassaq. Ukiorlu naalerpat finalemut anngukkaanni Air Greenlandimut angalassutissat 15.000 koruunit eqqorneqarsinnaallutik.  

Tusarnaartartut apeqqutinik oqaluttuarisaanermut, nunalerinermut, uumasulerinermut, oqaasilerinermut, suliffeqarfinnut, kulturimut tunngasunik allanillu nalorsitsaarneqartassapput. Apeqqutit nutaarluinnaapput  immikkut ilisimasalinnit suliffeqarfinnillu assigiinngitsunit suliarineqarlutik. 

Peqataarusuttut arfininngornikkut ullaap tungaani qulingiluanut tlf. 36 16 66-mut Apollo Jeremiassenimut sianerlutik allatsissinnaasassapput.