Qarasaasianik atuinerulerneq aningaasartuutinik sipaarfiussaaq
Pisortat allaffissornikkut qarasaasianik atuinerulernerannut nalunaarusiap nutaap saqqummiunneqarneranut atatillugu aningaasaqarnermut Naalakkersuisup Anda Uldumip tamanna maluginiarpaa.
Namminersorlutik Oqartussat qarasaasianik atuinerulernissamut iliuuserisassatut pilersaarutaanni “Qarasaasianik atuinerulerneq ingerlatsissutitut”-mik taaguutilimmi suliniutit 37-t piviusunngortinneqartut, Nalunaarusiami allassimavoq.
Suliniutinit taakkunannga arfinillit 2014-imi atulersinneqarput. Taakkununnga ilaalluni video atorlugu attaveqaqatigiinneq, innuttaasunik issiaqateqarluni ataatsimiinnernut tapertatut pisortat ingerlatsiviini atorneqaleraluttuinnartoq.
Ilaatigut tamatuma kinguneranik pisortani ingerlatsiviit angalanernut aningaasartuutaat ikilisinneqarput, taamaalillunilu Nunatta suaniluunniit najugalinnut atugarissaarnissamut aningaasartuutissat qulakkeerneqarlutik.
- Qarasaasianik atuinerulerneq ingerlatsinermi sungiusimasat maliinnarlugit isumaliortarnermut unammillertuuvoq. Taamaattumik allannguinerit iluatsissappata sapiissuseqarnissaq, piumassuseqarnissaq suleqatigiinnissarlu pisariaqartut, Anda Uldum allappoq.