Assi: KNR

Kim Kielsen: Qaleralinnik isumalluuteqarneq nalilersoqqinneqartariaqarpoq

Qaleralinnik isumalluuteqarneq nalilersoqqinneqartariaqartoq, Naalakkersuisut siulittaasuat, Kim Kielsen Inatsisartut ukiakkut ataatsimiinnerata ammarneqarneranut atatillugu oqalugiarnermini oqarpoq. Taamaalilluni aalisarnermut naalakkersuisumit, Karl Kristian Krusemit, Avannaani qaleralittassiissutinik ikilisitserusunngitsumit, allaanerusumik oqarpoq.

- Aalisarnerup aalisagaqassutsillu taama annertutigisumik Qeqertarsuup Tunuani allannguuteqarnerata kingorna Naalakkersuisuni pisussaaffigaarput aalisartitsivimmi tassani aalisarnerlu ataatsimut isigalugu nutaamik aqutseriaaseqarnissamik isumaliuteqarnissatsinnut, Kim Kielsen ukiakkut ataatsimiinnerup ammarneqarneranut atatillugu oqalugiarnermini taama oqarpoq.

Taamalu oqarnera naalakkersuisunit oqaasigineqareersumit allaaneruvoq.

AAMMA ATUARUK Krusep qaleralittassat pillugit inassuteqaat malikkumanngikkai

Qaleralittassiissutimmi allanngortinniarnagit aalisarnermut piniarnermullu naalakkersuisoq Qanoruumut ataasinngormat oqarpoq.

- Oqariartuutigisara tassaavoq, ukiuni tullerni, ukioq manna pisassiissuteqarsimanitta allanngortinneqarnissaanut naatsorsuuteqanngilanga, Aalisarnermut naalakkersuisoq Karl Kristian Kruse taama oqarpoq.

Qalerallit tunineqartut siorna tunineqartunit ingammik Qeqertarsuup Tunuani ikinnerusut qaammatinut kingullernut kisitsisit takutippaat.

AAMMA ATUARUK Avannaani qaleralinniarneq ajalusooratarsinnaasoq

Qalerallit pisarineqartut ikiliartungaatsiarnerat pillugu sukkasuumik aaqqiissutissarsiortoqartariaqartoq, KNAPK-p siulittaasua, Henrik Sandgreen, Sermitsiamut aggustimi oqarpoq.

Aamma siunissami appanniarsinnaaginnarnissaq qulakkeerniarlugu appanniarnerup pitsaanerusumik aqunneqarnissaa, Kim Kielsenip oqalugiarnermini oqaatigaa.

AAMMA ATUARUK Appanniarnissaq mianersoqqussutigineqartoq

Tamannalu Naalakkersuisunit siornatigut siunniunneqartumit aamma allaaneruvoq. Naalakkersuisut januaarimi upernaakkut appanniarsinnaalersitsipput, naak tamanna appat Upernaviup eqqaani iniqarfiisa ajornartorsioreersut ikiliartorfiunerulernissaat Pinngortitaleriffiup mianersoqqussutigigaluaraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!