Naggataarnersiortut: Politiit suli misissuipput

Nuummi Atuarfik Ukaliusami atuartut naggataarnersiornerannut atatillugu kanngunarsaarisoqarnera pillugu suliaq suli ingerlasoq, politiit piareersimasut pisortaat Lina Davidsen paasissutissiivoq.
Assi © : Simon Uldum
Allattoq Sara K. Jakobsen, Kenneth Elkjær
maajip 24-at 2017 17:40

- Kanngunarsaasimasut arlallit ullumi killisiorpagut. Aamma aqqit arlallit taaneqartut misissortussaagatsigit, suliaq ingerlavoq, Lina Davidsen KNR-imut oqarpoq.

Naggataarnersiornermullu atatillugu assilisanik siammarterinissaq mianersoqqussutigaa.

AAMMA ATUARUK Kanngunarsaarisoqarnera politiit ilungersunarluinnartutut isigaat

- Immiussanik assilisanilluunniit siammarterisoqannginnissaa kaammattuutigeqqissavarput. Meeqqat tamataqanngitsut assinginik siammarterisimasoq eqqartuunneqarsinnaavoq. Pisumit assinik immiussanilluunniit siammarterisunik naammattuuisut qinnuigissavagut uagutsinnut kalerreeqqullugit, Lina Davidsen erseqqissaavoq.

Allanik taamannak pineqarsimasoqarnersoq politiit paasinialeruttorpaat. Politiit naapertorlugit atuarfiup pisortaata oqaatigisimavaa nukappiaraq 7.klassineersoq ullumi aamma kanngunarsarneqarsimasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq