Polar Nanoq Islandimiit aallassamaalersoq

Kilisaat Polar Nanoq Islandip illoqarfiata pingaarnersaanni sapaatip akunnera sinnerlugu talissimareerluni, Reykjavikkimiit maanna aallangajalerpoq. Polar Seafood tusagassiutinut marlunngorneq ualisoq taama nalunaaruteqarpoq.
Assi © : Tammy O./Flickr Creative Commons
Allattoq Kenneth Elkjær
januaarip 24-at 2017 14:29

Islandip poliviisa Birna Brjánsdóttirip 20-inik ukiullip toqutaasimassangatinnerata kingorna kalaallit kilisaataanni Polar Nanumi misissuingaatsiarnertik naammatsippaat.

Kilisaammi inuttat marluk suliami pasineqarlutik tigusaaqqapput, tigusaasullu pingajuat kilisaammi ikiaroornartumik annertuumik nassaartoqarneratigut tigusaaqqasimavoq.

AAMMA ATUARUK Polar Nanumi inuttat Enoksen isornartorsiorpaat

Kilisaalli Reykjavikkimiit maanna aallarsinnaanersoq, Polar Seafood nalunaaruteqarpoq. Kilisaammi inuttat arlallit namminneq piumasarinngisaminnik suliamut sakkortuumut akuutinneqalersimasut Nunatsinnut angerlaannarniarlutik aalajangersimapput. Taakkuli inuttassanik allanik taarserneqareerlutik kilisaat maanna aalisariaqqissinnaalerpoq.

Piffissamilu imaanngitsumi tapersersuisimasunut qujaniarnertik Polar Seafoodip tusagassiutinut nalunaarummi ilanngullugu oqaatigaa.

- Islandimiinnitsinni piffissami imaannaanngitsumi ikiuiniartut Polar Seafoodimiit qujamasuutigaagut, kilisaatinut pisortaq, Jørgen Fossheim tusagassiutinut allappoq.

AAMMA ATUARUK Birnamut tunngasut

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq