Pituffimmi radari nutarsarneqartoq

Amerikamiut tusagassiorfiata USA-p Pituffimmi nutarsaanissaminut 250 millionit koruunit missaat atorai ukioq manna siusinnerusukkut allaaseraa.

Nunanulli allanut tunngasunut ministereqarfiup akissuteqarneratigut Pituffimmi nutarterineq marloriaatingajammik annertunerusoq paasinarsivoq.

Nunanut allanut tunngasunut ministereqarfik naapertorlugu nutarsarneqartut immikkoortut marluupput, taakkulu 78,5 millionit dollarsinik tassa 480 millionit koruunit missaannik naleqarput.

Naalakkersuisut tusagassiorfiup eqqartuinera tunngavigalugu nutarsaaneq nunatsinnut sakkutooqarnikkut qanoq aarlerinartiginera annerusumik paasisaqarfiginiarlugu danskit naalakkersuisuinut saaffiginnipput.

Amerikamiummi sakkutooqarfimmik atuineranni raadarip qanoq nutarsarneqarnera erseqqinngilaq.

Tamannalu paasiniarlugu nunanut allanut tunngasunut ministereqarfik Illersornissamut ministereqarfimmit oqaaseqarfigineqarpoq.

AAMMA ATUARUK USA radarimik annertusaanissaminut akuerineqareerpoq

Illersornissamut ministereqarfip nutarsaanermi radarip piuneranut sivitsuinissamut suliniuteqarnerarpaa, tassani qarasaasiatigut atortut taarserneqartut nassuiaavoq.

Nutarsaanerup aappaa high altitude electromagnetic Pulseuvoq -
tassa assersuiniarneq. Taannalu silaannarmi atomimik qaartoqassagaluarpat radarimut illersuisussaavoq – tassa pinngortitami pisunit aammali radarimik atorunnaarsitsiniarluni sakkulersornermut illersuutaassalluni.

Illersornissamut ministereqarfik Pituffimmi radarip nutarsarneqarneranut itinerusumik ilisimasaqarani aamma paasissutissiivoq, paasissutissiissutigaalu sakkutooqarfik Pituffimmut nunatsinnullu aarlerinartoqarneranut allannguisimanersoq ilisimanagu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!