Perorsaasut aningaasarsiakippallaarnerat pissutaasinnaasoq
Perorsaasutullu ilinniarsimasup Kirstine Knudsenip ilinniakkaminik suliaqannginnerminut akissaatikinneq peqqutigaa.
- Naammassinitsinnit pissutsit takutippaat aningaasarsiat ima appasitsigisut, siusinnerusukkut ilinniagara isumaginninnermi siunnersortinut ikiortitut akissarsianniit appasinnerussasut perorsaasutut sulissaguma.
Taamaammat Kirstine Knudsen isumaginninnermi siunnersortinut ikiortitut maanna sulivoq.
AAMMA ATUARUK Perorsaasunik tikisitsisariaqarpugut
Perorsaasup ilinniarsimasup qaammammut aningaasarsiai akileraarutit suli peernagit 20.104 koruuniupput.
Nunarput tamaat isigalugu perorsaasut 131-it ulluunerani paaqqinnittarfinni amigaatigineqarput. Atorfiilli ornigineqannginnerinut akissarsiat appasippallaarneri aamma Nunatsinni Perorsaasut Kattuffiata siulittaasuata pissutaasoraa:
- Siullerpaamik soorunami aningaasarsiagut annikippallaaqimmata meeqqerivinnut qinnuteqartarnerit annikittuusinnaapput, siulittaasoq Naussúnguaq Bisgaard oqarpoq.
Aamma sulisut inissamik neqeroorfigineqartannginnerat taassuma tikkuarpaa.
AAMMA ATUARUK Perorsaasussaaleqineq sanngiinnernik eqquivoq
Perorsaasut aningaasarsiaasa qaffanneqarnissaat isumaqatiginninniarnermi piumasaatigisaraluaritsik, Kattuffiup siulittaasuata tulliata oqaatigaa.
- Isumaqatiginninniarnermi illuatungitta tunniussinnaasaat annikittuaraasarput. Uagut piumasaqaatigisitta immaqa affaannarisarlugit, Juliane Hendriksen Tobiassen oqarpoq.
Kisianni tassa piumasaqaatitik pissarsiarinngitsoortarpaat.
Tamatumani suliamik qanoq ittuunerannik sulisitsisumik ilisimasakippallaarnerat peqqutaatippaa.
- Politikeritta qulliunerusut suliagut naluaat. Pissutigalugu uagut aamma nipaappallaaratta suliagunuku suusut, avammut tunniussunngippallaarlutigit, Julianne Hendriksen Tobiassen oqarpoq.
AAMMA ATUARUK Pædagogmangel er et stort problem i Kommuneqarfik Sermersooq
AAMMA ATUARUK Pædagogmangel er landsdækkende problem
Sulinermi akissaatit pillugit isornartorsiutit naalakkersuisumut akisussaasumut akissuteqarfigitinniaraluarpagut. Taannali piffissaqarani nalunaarpoq.