Peqqinnissaqarfik nakorsatut qullersartaarpoq
- Assia Brandrup-Lukanowip nakorsat qullersaattut atorfininnera nuannaarutigeqaara. Ilinniagaqassutsikkut piginnaaneqarluartuuvoq suliffeqarfinnullu politikkikkut aqunneqartutut piginnaaneqarnermigut inerisaarusussuseqarnermigullu napparsimasut sulisullu ajunngitsumik atugaqarnissaat qitiutillugu peqqinnissaqarfiup inerisartuarneqarnissaanut pitsaasumik tunniussassaqassaaq, Malene Marie Nielsen, Aqutsisoqarfimmi pisortaq oqarpoq.
Nakorsatut qullersanngortoq Tysklandimeersuuvoq, tarnillu pissuaanik immukkut ilinniagaqarluni, inuiaqatigiinnilu pissutsit tunngavigalugit nappaateqalersarnermut immikkut ilisimasalittut ilinniaqqissimalluni. Aqutsinermik ukiorpaalunni misilittaqarpoq, soorlu WHO-p ilaqutariit peqqissusaannut tunngatillugu immikkoortuani sulisimalluni.
Taartaasutut nunatsinni sulereerpoq
Assia Brandrup-Lukanow Peqqinnissaqarfik Kujataani nakorsatut 2016-imi taartaavoq.
Nakorsat qullersaattut atorfinittoq Nunatsinnut sapaatip-akunnerata massuma ingerlanerani tikippoq, suliffeqarfiullu aaqqissuussaanera, suleqatit, sulisut suleriaatsillu pillugit paasiniaaleruttorluni:
AAMMA ATUARUK Cheflæge: Stor udskiftning af læger er ikke tilfredsstillende
- Kalaallit Nunaanni Peqqinnissaqarfik assersuutigalugu qarasaasiakkut nakorsiartitsisarnermut tunngatillugu siuarsimaqaaq Peqqinnissaqarfiup - innuttaasut toqqissinartumik qaffasissumillu pitsaassusilimmik sullinneqarnissamik pisariaqartitaannut naapertuuttumik - siunissamut eqqanaarnissaanut peqataanissaq qilanaaraara, Assia Brandrup-Lukanow oqarpoq.
