Peberspray Nuummi unnuami nassaaraat
Ukiortaamiit politiit pebersprayinik minnerpaamik marloriarlutik arsaarinnissimapput. Sulialli suli ingerlammata pebersprayit inunnut atorneqarsimanersut qanorlu pissarsiarineqarsimanersut politiit suli oqaatigisinnaanngikkaat, Knud Frederiksen Nuup politiini pigaartuusoq KNR.gl-mut oqarpoq.
Knud Frederiksenilli oqaluttuaraa pebersprayinik sakkulersorluni atuineq persuttaanertut isigineqartoq. Taamatullu atuisut persutaasutut allatulli pinerlussimasunut inissiisarfimmut inissinneqarnissaat innersuutigineqartartoq.
Pebersprayi sakkuuvoq tigummiuminartoq qillertuusamik sanaaq. Imermik oliamilluunniit imaqarsinnaavoq, chilimik sakkortuumik akuugaalluni, qulliliornartumiit sakkortunermik sunniuteqartarluni.
6-7 meterinik ungasissusilimmiit seqissisinnaavoq, sunniutaalu ingerlaannaq malunniuttarluni. Uisasinnaajunnaartitsisarpoq, akunnerlu ataaseq isigisaarutsitsisarluni. Taassumap saniatigut qarnup ameraasaanut ippigusutsitsisarpoq quersornartumik, ammimullu qasilliisitsisarluni. Sunniutai akunnerit marluk sunniusimasinnaapput.
