Niviarsiaqqat inuusuttut tipigissaatinik sapigaqaleqqajaanerusarput
Nivissat 13-init 16-inut ukiullit tipigissaatilinnik annertuumik atuisuummata tipigissaatinut sapigaqalernissaminnut qaninnerusartut, Danmarkimi Avatangiisinut Inuussutissanullu ministereqarfik tusagassiuutinut nalunaaruteqarpoq.
- EU-mi innuttaasut 5 procentii tipigissaatinut sapigaqartuupput, nivissallu tipigissaatitalinnik atuinerujussuartik pissutigalugu sapigaqalernissaminnut qaninnerujussuupput, ministeri Esben Lunde Larsen allappoq.
Tipigissassagaanni tipigissaat atisat qaavisigut seqqitsarneqartassasoq tipigissaatitaqanngitsumillu unersunniiaateqartoqartassasoq, ministeriup ilaatigut kaammattuutigaa.
- Tipigissaatinut sapigaqaleraanni tamanna inuunerup sinneranut sunniutaavoq, eksemeqartualersinnaallunilu. Tamanna inunnut ataasiakkaanut ajornartorsiutaavoq, ministeri Esben Lunde Larsen allappoq.
/ritzau/
