Panama pillugu saqqummiussisoq isummersortoq
Paasissutissiisup kinaassusaa, paasissutississulluunniit arlaliunerisa, suli ilisimaneqanngitsoq tyskit aviisiata Süd-deutsche Zeitungip allaaseraa.
- Aningaasat isertitat naligiinnginnerisa pillugit ullutsinni sammissallugit pingaarnerpaat ilagaat, tamatsinnummi sunniuteqarmat, saqqummiussisup allagaa aviisip Süddeutsche Zeitungip issuarpaa.
Aamma atuaruk Randi Panamami pisoq uranilu pillugit aperineqarpoq
- Naalakkersuisunut, naalagaaffiup isertortumik paasiniaasuinut, tamakkununngaluunniit attuumassuteqartunut suleqataananga erseqqissassavara, aamma suleqataanikuunngisaannarpunga. Isummakka namminerluinnaq pigaakka, paasissutissiisoq allappoq.
Aamma atuaruk Islandimiut atii 600-it maanna paasineqarput
Aamma atuaruk Islandimi ministeriuneq tunuarpoq
Peqquserluttuliornikkut toqqorterneqartut pillugit saqqummiussineq eqqartuussissuserisut ingerlatsiviannit Mossack Fonsecamit kalerriutigineqarpoq.
Maanna ingerlatsivik taanna akileraarnaveersaarluni ingerlatsiviliorsimasunik ikiuisarnini tusaamasaassutigilerpaa.
Pappiliat takussutissat 11,5 millioninik amerlassusillit paasineqarput.