VIDEO Obamap Trump kamajavallaaqqunagu siunnersoraa
Amerikamiut præsidentissaat Donald Trump Præsidentip Illorsuanut iserteruni allatut pissusilersortariaqassaaq.
USA-p præsidentiatut tunualersoq Barack Obama taama isumaqarpoq.
Præsidentip Illorsuani tusagassiortunik katersortitsinermi Obamap, nutaarsiassaqartitsivik Reuters naapertorlugu, oqaatigaa Donlad Trump præsidentinngoruni kamajalluni pissusilersuutigisani atorunnaartariaqassagaa.
- Atorfiup matuma silattuaqitissavaatit. Politikkiatami ilaa piviusumut attuumassuteqanngivippoq. Tamannalu paasilertupallassavaa, præsidenti oqarpoq.
- Kamajanini iluarsisariaqarlugu paaseriasaanngikkuniuk kamajanermi ilaa akornutigisinnaassavaa, Obama oqarpoq.