TELE-POST Frimærki nutaaq Kofoeds Skolemut iluaqutaasussanngorpoq
TELE-POSTip Nuummilu Kofoeds Skolep frimærki frimærkip nalinganut ilassutitalik saqqummiuppaa.
Sinneqartoorutit Nuummi Kofoeds Skolep inuttut ajornartorsiutillit, angerlarsimaffeqanngitsut sivisuumillu suliffeqanngitsut nukittorsarneqarnerinik suliniarneranut tunniunneqassapput.
Frimærki kusanarluinnartoq Miki Jacobsenimit suliarineqarpoq.
Tamanna pillugu Nuummi Kofoeds Skolep inaani pingasunngorpat oktobarip 18-iani ilasseqatigiittoqarneratigut frimærki takuneqarsinnaassaaq aammalu frimærki pillugu tusagaqarnissaq periarfissaajumaarluni.
Suliniaqatigiiffiit peqatigiiffiillu assigiinngitsut frimærkip nalingata ilassutaanit isertitanit iluaquteqarsinnaasimapput.
Arctic Winter Games 120.000 koruuninik siorna tunineqarpoq, angerlarsimafffeqanngitsullu pillugit peqatigiiffiit marluk: Cafe Kialaarfik peqatigiiffillu NoINI katillugit 150.000 koruuninik tunineqarlutik.
