Pensionisiaqarneq pillugu inatsisissatut siunnersuut ukiaru oqallisigineqassaaq
Pensionisiaqartitsisarneq eqqarsaatigalugu Nunatsinni siunissami unammmilligassaqarpoq, innuttaasummi inuuneqqortusiartornerat utoqqaallu amerliartornerat ilutigalugu unammilligassat amerliartussapput.
Utoqqalinisamut katersinerup imminut akilersinnaasunngortinnissaa - utoqqaat pisinnaasut suliffeqarallaannarnissamut periarfissinneqartassasut aaqqissuusseqqinnermi tunngaviupput, taamaaliornermikkut aningaasaqarnerminni iluaquserneqartassasut - taamatullu utoqqaat taamatut kissaateqartut sapinngitsullu angerlarsimaffigisaminni inuuginnarnissamut periarfissinneqartassasut.
Tamakkut saniatigut pingaaruteqarpoq aqqutissiuutissallugu, utoqqasaanngulersut sapinngisamik ukiuni arlaqarnerusuni suliffeqarlutik imminnut napatissinnaasarnissaat. Ilaqutariinnermut Naalakkersuisoq Martha Lund Olsen tusagassiuutinut nalunaarummi taama ilaatigut allaaserisaqarpoq.
Pensionisiaqarneq pillugu siunnersuut Inatsisartuni ukiaru ataatsimiinnermi saqqummiunneqarumaarpoq.