ASSIT Nuummi sanaluttartut sanaluttarfittaarput

Sanaluttartut ilaatigut maskiinat atorlugit silisisarnerminni pujoralannik akornusersorneqarunnaassapput, sanaluttarfimmi nutaami silaannarissarfiit pitsaanerusut atorneqalissammat.

Ukkukissanik sanaluttartut  tamarmik immikkut nerrivinnik arfineq pingasunik pujoralannik milluaasulinnik  sanaluttarfeqalerput
Saanernik ujaqqanillu sanaluttartut tamarmik 13-nik nerrivinnik pujoralannik milluaasulinnik aamma  sanaluttarfeqalerput.

- Silaannarissarfilersorneqarnikuuvoq  - silaannarissarfik sanaluttarfiusimasumit nuunneqarput, taakkualu iluarsiartuaarusaassapput

Ukkusissanik sanaluttartoq Kristian Kristoffersen taama oqarpoq.
Ukkusissanik sanaluttartut ukiuni arlalinni sanaluttarfinni amigaateqarsimapput maanna sanaluttarfiup nutaap
ammarneqarneratigut periarfissat annertusipput.  

- Nerriviit arfineq pingasut ukkusisserisartut atortartussaavaat,  nalinginnaasumik ukkusissanik sanaluttartut qulit missaanniittaramik, Kristian Kristoffersen oqarpoq

Sanaluttarfik ulluinarni ullaakkut arfineq pingasuniit ualikkut sisamat tungaanut ammasarnissaa pilersaarutaavoq.
Sanaluttarfimmi  ukkusissat ullormut suliarineqarsinnaasut amerlanerulernissaannut Kristian Kristoffersen isumalluarpoq.

- Ukkusisserisartut amigaatiginerpaasaat kiisami ammarpoq aamma annertunerusunik naammassisaqarnerulissaagut, Kristian Kristoffersen oqarpoq.

Sanaluttartut sanaluttarfiat nutaaq Nuukullammiippoq.