Nuummi annaassiniarnermik sungiusalersut

Nuummi annaassiniarnermut sungiusartoqartussanngorpoq. Annaassiniarnermut sungiusarneq, SAR-imik taaguutilik, tassa Search And Rescue, Nuummiut aqagu sisamanngornermi malinnaavigisinnaassavaat.
Assi © : Air Greenland
Allattoq Karsten Sommer
apriilip 26-at 2017 14:40
Nutserisoq Mads Lynge

Kalaallit Nunaanni Politiit, Issittumilu Sakkutooqarfik, Air Greenlandilu, Nuummilu Qatserisartut sungiusarnerat TAPPIK-mik taaguuserneqarsimasoq Nuup Kangerluani sapaatip-akunnerata massuma ingerlanerani sungiusaatigissavaat. Nuummi Politiit tusagassiuutinut nalunaarummi taama allaaserisaqarput.

Qulimiguullit atorneqassapput, sungiusarnermi peqataasut Air Greenlandip qulimiguuliutaanut annaassiniarnermut atorneqartartumut S-61-imut qaqinneqarnertik "TAPPIK"-mi sungiusaatigissallugu.

Taama sungiusarneq Nuup saavani aqagu sisamanngornermi ullaap tungaani ulloqeqqanut qiteqquppat aallartissaaq, ualikkut marluk tungaannut ingerlassalluni.

Tassa Air Greenlandip qulimiguuliutaa S-61 peqataassaaq, soorlu aamma politiit angallataat Sisak, Sisak II, Sisak III aamma Sisak IV kiisalu umiarsuaq alapernaarsuut Knud Rasmussen peqataassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq