Nunavimmi oqartussat toqunartulimmik nerisoqarsinnaanera mianersoqqussutigigaat
Nunavimmi peqqinnissaqarfik toqunartunissimasortortoqarsinnaaneranut mianersoqqussuteqarpoq.
Allattoq Marianne Stenbæk, Montreal, Canada
Nutserisoq Simon Uldum -
Nunavimmi nunaqarfimmi Inukjuarmi neqinik bakterianik toqunartunissimasoqarnera paasineqarpoq.
Toqunartunissimasortorneq timip nukillaarneranik kinguneqarsinnaavoq toqussutaasinnaallunilu.
Silap pissusiata allanngoriartornera silallu maanna kiannerunera pissutigalugu neqinik qangatut uninngatitsisoqarsinnaajunnaarnera Nunavimmi peqqinnissaqarfiup mianersoqqussutigaa.
Taamaammat piniakkat neqaat ingerlaannaq nillartaartumi uninngatinneqartassapput toqunartuninnissaat pinngitsoortinniarlugu, Nunavimmi peqqinnissaqarfik Nunavimmiunut tamanut taama nalunaaruteqarpoq.