Nunatsinni inunngorsimasut amerlanerusut pisortani atorfinitsinneqartalersut
Qallunaat tikisitat agguaqatigiissillugu ukiut qassit Nunatsinniittarnersut Siverth K. Heilmannip paaserusuppaa, Naalakkersuisulli taakku kisitsisaa-tiginngilaat, qallunaalli tikisitat Namminersorlutik Oqartussani, kommunini, pisortallu suliffeqarfiutaanni sulisut qassiunersut Sulisoqarnermut naalakkersuisoqarfiup kisitsisaatigai.
Kalaallit Nunaannilu inunngorsimallutik sivisunerusumillu ilinniagallit akornanni sulisut amerliartortut aamma takuneqarsinnaavoq:
- Kalaallit Nunaanni inunngorsimallutik sivisunerusumillu ilinniagallit akornanni sulisut 2008-mi 312-iusimallutik 2014-imi 495-inut amerleriarsimapput - tassalu sulisut 183-inik amerleriarsimapput.
Ilinniagartuut danskiusut aamma amerleriarsimapput, taamaattoq 69-iinnarnik.
Taamaammat Namminersorlutik Oqartussat sulisunik ilinniagartuunik pisariaqar-titsiartuin-narsimapput, sulisunilu taakkunani sulisut nunatsinneersut amerliartuinnarsimapput, Aningaasaqarnermut Naalakkersuisoq Randi Vestergaard Evaldsen, Siverth H. Heilmannimut akissuteqarluni ilaatigut taama allappoq.
Inuussutissarsiummik ilinniagallit Kalaallit Nunaanni inunngortut komminini sulisut 2008-mi 95 procentioriarlutik 214-imi 97 procentinngorsimapput, qaffasissumillu ilinniagaqartut akornanni 76 procentinit 81 procentinngorsimallutik.
Ingerlatseqatigiiffinni Namminersorlutik Oqartussat pigisaanni sulisut Kalaallit Nunaanni inunngortut inuussutissarsiummik ilinniagallit, qaffaissumillu ilinniagallit piffissami pineqartumi aamma amerleriarsimapput.
