Nunatsinni assammik arsallaqqinnerpaat Nuummi sungiusalersut
Nunanut allanut unammisartut sungiusaasuat Niels Møller, taassumalu ikiortaa Ingi Olsen, assammik arsartartut Nunatsinni najugallit siullermeerutaasumik Nunatsinni katersuunnissaannut siuttuussapput.
Nuummi septembarip ulluisa 23-annit 25-ata tungaanut katersuuttoqassaaq. Kalaallit Nunaanni Assammik Arsartartut Kattuffiat tusagassiuutinut nalunaarummi taama ilaatigut allaaserisaqarpoq.
Assammik arsarlutik nunanut allanut unammisartunngornianut piumasaqaatit assigiinngitsut, nunanut allanut unammisartut sungiusaasuata Assammik Arsartartut Kattuffiat peqatigalugu saqqummiuppai. Sungiusarnermi malinnaalluarnissamut, nerisaqarnermi, nunanullu allanut unammisartutut ataatsimut isigalugu pissuserisassat saqqummiunneqarout.
Amerikap nunavittaani assammik arsarluni unammersuarnerit, VM-imut anngunniuffiusut, Nuummi 2018-imi juunip qaammataani pisussatut pilersaarutigineqarput.
