Nunatsinneersut Pan Am-imi ajugaaqqittut
Kalaallit angutit assammik arsaannermi nunanut allanut unammisartui Columbiamut arfininngornermi unnukkut unamminermi ajugaareersullu unamminerup tullissaani Paraguayimut unamminissaannut naatsorsuutigissaartoqarpoq.
Nunanut allanut unammisartut sungiusaasuata Ingi Olsenip unammisartui pakatsisitsinngillat. Unammisartut unamminermi aallartilluarput sukkasuumillu suapallallutik, unamminermi minutsit qulit ingerlariitsiaannartut kalaallit 8 – 4-mut siuarput.
Tamatuma kingorna Paraguay unamminermi siuariaateqalaarpoq Kalaallit Nunaatalu periarfissat arlaqartut iluatsinngereeraalu siuaqqaneranit isertitsinernik pingasuinnarnik kinguaqqalerluni.
Unamminerup immikkoortuisa siullianni holdit marluullutik imminnut malittariiginnangajapput, unamminerullu siulliup naammassinerani Kalaallit Nunaat sisamanik siuaqqalluni unammineq 13 – 17-imik inerneqarpoq.
Unamminermi unikkallarnerup kingorna kalaallit unammilluarnerulerput. Unamminerullu immikkoortuata aappaani minutsit qulit ingerlariiginnartut qulinik siuaqqalerlutik.
AAMMA ATUARUK Nunatsinneersut unamminerit ammaanersiorneranni ajugaasut
Unamminermi ajugaanissaat apeqqutaaginnalerpoq, iluatsilluartumillu ajugaapput unamminerlu 35 – 22-mik inerneqarluni.
Kalaallit unammisartui ataasinngornermi unnukkut unammeqqissapput matumanilu Uruguayermiut unammissallugit. Unammineq KNR tv-kkut nal. 20 aallakaatinneqassaaq.
