Nunarput Danmarkilu upalungaarsimanissamut isumaqatigiissuteqartut
Kalaallit Nunaat Upalungaarsimanermut Aqutsisoqarfik suleqatigalugu pikkorissarnermut peqataatitaqarsinnaanngussaaq, soorlu akuutissanik ulorianartunik aniasoortoqarsimappat upalungaarsimaniarneq nukittorsarneqassalluni. Upalungaarsimanissamut Aqutsisoqarfik nittartakkamini taama ilaatigut allaaserisaqarpoq.
Upalungaarsimanissamut isumaqatigiissut nutaaq Naalakkersuisut Danmarkillu illersornissamut ministeriata Peter Christensenip, ulluni makkunani Nunatsinniittup, sapaatip-akunnerata massuma ingerlanerani atsiussavaat.
Illersornissaqarfik Nunatsinni paasititsiniaaleruttorpoq, Nuummilu ullumi paasititsiniaasoqassalluni. Kalaallit inuusuttut amerlanerusut sakkutuunngorsinnaanissaat siunertaavoq, illersornissaqarfiiup ataani periarfissat suunersut aamma paasititsiniutigineqassalluni. Illersornissamut ministeri aamma oqaloqatigineqarsinnaassaaq.