Nunaqarfimmiut illoqarfimmiunit atoqatigiinnerusartut

Inooriaaseq pillugu missuinerup aviisip Sermitsiap HS Analyse suleqatigalugu suliarisimasaani, nunaqarfimmiut affangaat - 46 procentit - ulluni kingullerni marlunni atoqateqarsimanerarput illoqarfimmiullu 38 procentiinnaat atoqateqarsimanerarlutik.
Assi © : Tamara Álvarez/Flickr Creative Commons
Allattoq Karsten Sommer
aggustip 31-at 2015 04:50
Nutserisoq Simon Uldum -

Ullunilu kingullerni qulini atoqateqarsimanerannik aperineqaramik nunaqarfimmiut aamma amerlanerupput. 30 procentit ulluni kingullerni qulini atoqateqarsimapput illoqarfimmiullu 27 procentii atoqateqarsimallutik.

18 procentit qaammatip kingulliup iluani atoqateqarsimapput, 16 procentillu qangalili, imaluunniit ukioq kingulleq tamaat  atoqateqarsimanngillat.

Sermitsiap aamma allanik sammisaqarluni inooriaaseq pillugu missuinera katillugit inuit 1.030-t peqataaffigisaannik ukiormanna marsip qaammataani oqarasuaatikkut apersuinermik tunngaveqarpoq.

 

Allasiorneq atugaarpianngitsoq

Qanittukkut atoqateqarsimanerartuni angutit arnanit amerlanerupput.

Tamanna assigiinngitsunik pissuteqarsinnaavoq, atoqateqarnerli angutinut, arnanut naleqqiullugu, ataqqinaataanerusutut isigineqarnera  nassuiaatiginiarneqartarpoq, taamaammallu angutit atoqateqarsimanerminnik amerlanaarisinnaasarlutik, aviisi taama allappoq.

Aamma peqataasut allasiorsimanersut apeqqutigineqarpoq. 89 procentillu ukiuni kingullerni marlunni aalajangersimasumik aappaqarnerminni allasiorsimanatik akipput! Tamannalu nutaarsiassatsialaavoq!

Kisitsisit Sermitsiami saqqummersumi kingullermi misissuataarneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq