Aqqaluk Lynge: Nunanut Allanut Naalakkersuisoqarfik nalilersorneqarli

Nunanut allanut politikki pillugu Aqqaluk Lynge, nunatsinni misilittagaqarnerpaanut ilaavoq, taana isumaqarpoq Nunanut allanut Naalakkersuisoqarfik, Naalakkersuisut siulittaasuata akisussaaffigilersinnaanneraa eqqartorneqartariaqartoq.

Vittus Qujaukitsummi FN-imut naammagittaalliuteqarnerata kingorna, pisut pillugit toqqissisimasoqannginnera malugisinnaagamiuk.

- Suliassat qanorluuniit ingerlappata Naalakkersuisut Siulittaasuata taasuma akisussaaffigivippai Nunanut Allanut Naalagaaffimullu danskinullu attaveqarnerit, Aqqaluk Lynge oqarpoq.

FN-imi tassa Naalagaaffiit Peqatigiiffianni nunat 200-ngajannit ilaasortaaffigineqartumi New Yorkimilu allaffeqarfeqartumi ukiorpassuanngortuni nuna inoqqaavisa ataatsimeersuarneranni Aqqaluk Lynge peqataasarpoq.

AAMMA ATUARUK Maalaaruteqarnikkut nunarput iluaquserneqanngilaq

Nunanut Allanut Naalakkersuisuusimasoq Vittus Qujaukitsoq Danskit aviisianni allaaserineqarpoq, taasuma Kalaallit Nunaat sinnerlugu  Danmark Naalagaaffiit Peqatigiinnut naammagittaalliuutigisimagaa. Naammagittaalliornerlu Nunanut Allanut Sillimaniarnermullu ataatsimiissitaliamit ilisimaneqarsimannginnera, ataatsimiissitaliap siulittaasuata Ane Hansennip erseqqissarpaa.

- Ataatsimiissitaliap siulittaasua oqaruni ilisimatinneqarsimanatik, taava suliassanut tunngasumik suliaq torinngilluinnaqqissaartumik ingerlasimavoq Aqqaluk Lynge oqarpoq.

AAMMA ATUARUK Naalakkersuisut maalaarut utertikkaat

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!