Nunamineralsip ingerlaannarnera GE-p nuannaarutigaa

NunaMinerals ingerlaannarnissamut annikitsumik periarfissaqalerpoq sivisuumillu ingerlatsisinnaalernissamut sukataarsinnaalerluni. Tamannalu Sulisitsisut peqatigiiffiata erseqqissumik pinissaa takusinnaavaa:

- Nuannaarutigaarput akiliisinnaajunnaarnermik nalunaarutertik tunuartimmassuk. Tassa aaqqissuusseqqillutik misiliiniarmata tamanna nuannaajallannartutut isigaarput, GE-mi siunnersorti Karsten Klausen oqarpoq.

Aamma atuaruk Nunamineralsip akiliisinnaajunnaarnissamik qinnuteqaatini utertikkaa

Aningaasaliisartunut isumaqarluartoq

Taassuma oqaatigaa pisoq NunaMineralsimuinnaq sunniuteqanngitsoq, Kalaallit Nunaatali aatsitassarsiorfittut inissisimaneranut aamma pingaaruteqartoq.

- Aatsisassarsiornikkut misissuisarfeqarnissatsinnut taassumalu ingerlaannarnissaa tapersersorneqarmat Kalallit Nunaanni aningaasaliisartunut annertuumik isumaqarpoq, Karsten Klausen oqarpoq.

Aamma atuaruk NunaMineralsip annaanniarnera suli ilungersuutigineqarpoq

Tamanut pingaarutilik

Karsten Klausenillu isertuutinngilaa, NunaMinineralsip qaqeqqinnissaa iluaqutaasussatut isigigalugu.

- Aatsitassarsiortunut tamanut ajunngitsumik kinguneqassagaluarpoq, Karsten Klausen GE-mi siunnersorti taama oqarpoq.