NunaFonden sinerissami juullimut ikiorsiissutissanut tapiisoq
Kalaallit Røde Korsiata juullimut ikiorsiissutinik agguaassisarnera ukioq manna tapersersorniarlugu Nunafonden aalajangersimavoq.
Allattoq Simon Uldum -
Kalaallit Røde Korsiata Ilulissani, Maniitsumi, Sisimiuni Qaqortumilu immikkoortortaqarfii Inunnik Isumaginnittoqarfiit suleqatigalugit koorinik agguaassipput.
Aamma atuaruk Juullimut ikiorsiissutinik aatsaat taama amerlatigisunik agguaassisoqartoq
Immikkoortortaqarfiit tamarmik immikkut 15.000 koruuninik aningaasaateqarfimmit NunaFondenimit ukioq manna tapiissutisipput, taamaalillutik ilaqutariinnut amerlanernut ikiuutinik agguaassisinnaanngorlutik. Kalaallit Røde Korsiat tusagassiorfinnut nalunaarummi taama allappoq.