Juullimut ikiorsiissutinik aatsaat taama amerlatigisunik agguaassisoqartoq
Pisarneq malillugu KRK Nuuk ilaqutariinnut meerartalinnut ikiuutinik agguaassivoq. Ukioq manna 561.500 koruunit tunniunneqartut juullilernerani agguaassisoqartalermalli aatsaat taama amerlatigipput.
Allattoq Simon Uldum -
decembarip 15-at 2016 04:59
Ilaqutariit kisermaallu 226-t juullimut taperneqarusullutik ukioq manna qinnuteqarsimapput, Taakkunani ilaqutariit 200-it katillugit 435-nik meerartallit juullimut tapiissutiserusullutik qinnuteqaateqarsimallutik.
Meeqqamut ataatsimut 1000 koruuninik inersimasumullu 250 koruuninik tapiisoqartarpoq.
Aningaasat korti pisiniarfinni amerlanerni akiliutigineqarsinnaasoq atorlugu tunniunneqartarput. Taamaallaalli imigassamut tupamullu atorneqarsinnaanngilaq.
Aamma atuaruk KRK juullimi ikiuutissanik aatsaat taama agguaassitigaaq
Ilaqutariinnut ataatsinut 7.250 koruuninik amerlassusilikkamik tunniussisoqartarpoq, minnerpaamillu 1.250 koruuninik tunisisoqartarluni.
