Inuussutissarsiutit

Nuna Mineralsip akiliisinnaajunnaartutut nalunaarutigineqarnera atorunnaarsinneqartoq

Nuna Minerals A/S-ip akiliisinnaajunnaartutut nalunaarutigineqarnera Nunatta Eqqartuussisuuneqarfianit atorunnaarsinneqarpoq. Nunatta Eqqartuussisuuneqarfia tusagassiuutinut taama nalunaaruteqarpoq.

Allattoq Thomas Munk Veirum

septembarip 26-at 2016 13:09

Nutserisoq Ivik Kristiansen

Ingerlatseqatigiiffiup ukiorpassuarni pisortarisimasaata, Ole Christiansenip Nuna Mineralsip akiliisinnaajunnaarneranik nalunaarutigineqarnissaa aasaq manna kissaatigaa. KNR-illu tusarfii naapertorlugit Ole Christiansen Nuna Mineralsimit 2 millionit koruunit sinnerlugit pisassaqarpoq.

Akiligassaqarfigineqartut qularnaveeqqutitigut qularnaarisimanngitsut 40%-init amerlanerit akiitsut akilerneqarnissaat pillugu aaqqiissuteqarnissaq tapersersorlugu nalunaarsimanerat, Nunatta Eqqartuussisuuneqarfiata tunngavilersuutigigaa, tusagassiuutinut nalunaarummi allassimavoq.

Aamma atuaruk Nunaminerals akiliisinnaajunnaartutut nalunaarutigineqartoq

Akiligassaqarfigineqartut taakkua pisassaat katikkaannni akiitsut qularnaveeqqutitigut qularnaarneqarsimanngitsut affaannit amerlanerusut, Nunatta Eqqartuussisuuneqarfia aamma allappoq.

NunaMineralsip isumaqatigiissusiornissaminut qanoq piffissaqartiginissaa Kalaallit Nunaanni Eqqartuussivimmit maanna aalangerneqartussanngorpoq.

Aamma atuaruk Pisortaasimasoq akiliisinnaajunnaarnermik nalunaaruteqartuusoq

Aamma atuaruk NunaMineralsip Ole Christianseni saassukkaa