Nick Nielsen Siumumi siulittaasussatut sassarpoq
- Siumup immikkut ittumik ataatsimeersuarnissaanut 18. oktober 2014 siulittaasussatut sassarpunga, Nick Nielsen tusagassiorfinnut nalunaaruteqarluni taama allappoq.
Aamma atuaruk Doris Jakobsen Siumumi siulittaasunngorusuppoq
- Siunissaq eqqarsaatingalungu uungaralaajuppat ungasinnerusumiippalluunniit inuiaqatingiinni imaannaanngittunik unammillingassaqarpungut. Eqqissiinnarluta avataaniit naattorsuutingisinnaanngilarput aaqqiissutissanik suliaqartoqarnissaa, nammineq akisussaaffik tingusariaqarparput siuttuulluta inuiaqatingiinni sinaakkutat pisariaqartut pilersikkumallungit nunatta imminut napatissinnaanera naalangaaffinngornissaalu qulakkeerumallungu. Ullumikkut periarfissaqarpungut iliuseqarsinnaalluta pingaaruteqarnerpaavorli ataatsimoorluta suleqatingiinnissarput ileqqutoqqallu avaqqullungit eqqarsarnissarput. Nick Nielsen allappoq.
Atituumik suleqatigiittoqarnissaa kissaatigaa
- Suleqatingiinneq politikikkut aamma inuiattut pisariaqarluinnarpoq siunissami alloriaqqissangutta. Suliassat ingerlannissaannut nukiit tamaasa pisariaqartippangut, naalangaaffinngornissaq ataatsimoorutta taamaallaat piviusunngorsinnaavoq. Alloriaqqinnitsinni ilungersortariaqarpungut nunarsuarmioqataanerlu annerusoq toqqammavingalungu.
Aamma atuaruk Kielsen Siumut siulittaasussaatut sassarpoq
Nick Nielsen Siumut sinnerlugu ilinniartitaanermut, kultureqarnermut ilageeqarnermut naligiissitaanermullu naalakkersuisutut 2013-imi toqqarneqarpoq.
Nick Nielsen civilingeniøritut (cand.polyt) ilinniagaqarpoq siornatigullu Qaasuitsup Kommuniani teknikkeqarnermut pisortatut atorfeqarsimalluni.
