Niaqornani KNT-mi sulisut pillugit suliaq SIK-mit malinnaaffigineqarpoq
Ingerlatseqatigiiffik ulluinnarni aqutsisoqanngilaq suliffissuullu ukiuunerani matoqqatinneqarneranik Qaasuitsup Kommunianut allagaqartoqarsimanngilaq.
- KNT-mi atorfeqartinneqartut pillugit suliaq SIP Uummannamut apuunneqarsimasoq, SIP Uummannami siulittaasoq, Jokum Zeeb, oqaluttuarpoq.
- Suliaq malittaraarput SIK-llu qullersaqarfianut ilisimatitsissutigereerparput.
AAMMA ATUARUK Juullimili akissarsipput kommunimiillu ikiorneqarsinnaanngillat
Taanna oqaluttuarpoq sulisut akissarsisinnaannginnissaat pisortaniillu ikiorsiissutinik pissarsisinnaannginnissaat pinngitsoortinniarlugu suliffissuup ukiuunerani matoqqatinneqarneranik nalunaarnissaminut sulisitsisuusoq pisussaaffeqartoq, Jokum Zeeb oqarpoq.
Siulittaasoq naapertorlugu SIP Uummannap tunisassiorfik KNT isumaqatigiissuteqarfigisimavaa, isumaqatigiissulli taanna tunisassiorfimmit malinneqarsimanngitsoq.
