Natserpassuit nappaataat suli paasineqanngilaq
Aviisip Greater Kashmirip allaaserisaa malillugu natsiit taleqqummikkut aanaartarput, isaasa eqqaat sigguilu amerluttarlutik , meqquilu ilivitsukaanngorlutik katagarlutik.
Alaskap Universitetiani Fairbanksimiittumi imaanut tunngasunik ilisimatusarfimmi professoriusup John Kelleyp aviisimut oqarnera naapertorlugu natsiit napparsimasut amiinik meqquinillu ilisimatusarfik nassinneqarpoq, radiup qinngornerinik ulorianartunik akoqarnersut misissueqquneqarlutik.
Tassa Alaskap kujasinnerusortaani, Japanimi Fukushimami atomimik nukissiorfik ajutoorujussuarmat natsernut kingunerlutsitsisimanersoq paaserusunneqarpoq, ilisimatooq taama oqarpoq . Sapaatillu akunnerani tulliuttumi misissuinerni inernerit paasineqarumaartut ilisimatooq oqarpoq.
Ilisimasaqarluartut allat atomip qinngornerinik uloriarnartunik eqqugaasimaneranik ilimasunneq ilumuunginnerarpaat
manerassuarmi radiup qinngornera annertuseriarsimanngitsoq oqarlutik.
Suliniaqatigiiffiit angisuut arlaqartut, taakkunnunnga ilaalluni Amerikami Aalisarnermut Piniarnermullu nakkutilliisoqarfik, natsiit nappaalanerannut toqorarneranullu suna aallaaviunersoq qaammatini arlaqalersuni paasiniarsimagaluarpaat, ullorlu manna tikillugu iluatsitsisimanatik.