Narsarsuup matuneqarnissaa amerlanerussutillit isumaqatigaat

- Narsarsuaq matullugu Qaqortumi mittarfiliortoqassagaluarpat inuit 150-it suliffissaaruttussaapput, taakkulu qanoq pilersaarusiorfigineqarsimanngillat inuussutissarsiorfiit suut ikaarsaariarfigissaneraat, Aqqaluaq B. Egede oqarpoq nangillunilu oqaatigalugu Narsarsuarmi maanna sulisut suliffissaaruppata tamanna inuiaqatigiinnut akisuupilussuussasoq. Tassalu misissuilluartoqareerpat Narsarsuup mittarfiata matuneqanissaa aalajangiiffigineqarpat pitsaanerussasoq isumaqarluni.

- Immikkut maluginiartariaqarpoq Narsarsuaq tassaammat Kommuni Kujalliup inuussutissarsiornikkut aningaasanik isaatitsissutiginerpaasaa. Taamaattumik paasissutissat pissarsiareqqaarnagit malaannarluni aalajangiinissaq siunniunneqartariaqanngilaq, Aqqaluaq B. Egede oqarpoq.

Taassuma taama isumaqarnera Atassutikkut aamma Kattusseqatigiit Partiiata isumaqatigigaat, Demokraatit Siumukkormiullu erngerluni aalajangiussisoqarnissaa piumasaraat. Siumup oqaaseqartartua Kim Kielsen ima oqarpoq:

- Narsarsuarmiit nuutsinneqartut inuit 150-it suliffissaarunnissaat ersissutigineqartariaqanngilaq, tassami taakku suliffissanik malersuisinnaapput, Kim Kielsen Siumup oqaaseqartartua taama oqarpoq nangillunilu ima oqarluni:

- Inuit Ataqatigiit ersissutertik namminneq akisussaaffigissavaat. Uagut innersuussutit malinneqarnissaat kissaatigaarput oqarmata, aajuku suliffissat....tassa takinerunngilaq aamma naannerunngilaq! Siumup oqaaseqartartua, Kim Kielsen taama oqarpoq.