Nanoq Qaqortup eqqaani takuneqarpoq
Qaqortumi politiit nanoq Qaqortup eqqaaniittoq pillugu Qaqortumi innuttaasunut mianersoqqussuteqarput.
Allattoq Jaaku Lyberth
Nanoq Qaqortup avannaata kangisinnerusortaaniitoq ullup qeqqata siorna takuneqarpoq, nanoq Qaqortumit 5 kilometerisut ungatsigisumiippoq.
Qaqortumi politiit Qaqortumi innuttaasut kisimiillutik angalanissaannut mianersoqquaat illoqarfiullu avataanut angalaniartut aallaasilerlutik angalanissaat kaammattuutigineqarluni.
Innuttaasut nannumut qanillatunnginnissaat aamma kaammattuutigineqarpoq.
Nanoq najugarfinnut qanillattussagaluarpat piaartumik Qaqortumi politiinut nalunaaruteqaqquneqarput Qaqortumi politiit oqarasuaataasa normoraat 70 11 22.