Naggueqatitta naalungiarsuuterpassui puamikkut nappaateqartut
Banerji suleqataalu naalungiarsuit napparsimasut amerlanerujussuinik pakasarneqarput.
Nunavup kippasissortaani naalungiarsuit 40 procentii puammikkut nappaateqarlutik napparsimmavinnut unitsinneqartarput. Nunavimmili kisitsisit suli qaffasinnerupput, tassa affaat napparsimmavinnut unitsinneqartaramik.
Ilaat peruluttunut katsorsaasarfinnut inissinneqartarput, allat puallullutik toqusartut. Naalungiarsuit taama amerlatigisut napparsimasarnerinut peqqutaasut ilisimaneqarluarput, tassalu inissiat ulikkaarpallaartut, angerlarsimaffinni pujortartarneq, nerisalunneq nappaateqarlunilu aseruuttoornerit.
Pualuutinut katsorsaatissaqaraluarpoq, tamakkuli akisuupilussuupput katsorsartinneq ataaseq 35.000 koruuneqarami. Nakorsap Banerjip erseqqissaaneratut, katsorsaatit akikinnerupput pitsaanerullutillu, Canadap kujasissortaanut naalungiarsuit timmisartumik angallanneriniit.
