Naatsorsuuserinermut pisortaasimasoq millionilinnik taarsiissuteqassasoq

KNI-mi naatsorsuuserinermut pisortaasimasoq karsimit tigusisimanini pissutigalugu 5,4 millionit koruuninik taarsiissuteqassaaq. Tamanna Danmarkimi Østre Landsretip eqqartuussiveqarfimmit eqqartuussut decembarip aallartinnerani aalajangersaramiuk aalajangerpaa.

Allattoq Nicole Sander Bertelsen

januaarip 09-at 2024 15:59

Nutserisoq Connie Fontain

KNI-p naatsorsuuserinermutpisortarisimasaa 5,4 millioninik taarsiissaaq. KNI tusagassiuutinut nalunaarummi marlunngornermi ualikkut allapoq.

Aningaasat eqqunngitsuliornermigut piaaralunilu namminermut atugassanngorlugit tigooqqartarsimasaanut naatsorsorneqarsimasut, KNI allappoq. KNI nunatsinni nioqquteqarnermi kiffartuussinermilu annerpaavoq, naatsorsuuserinermullu pisortaasimasup 2014-imit 2021-mut peqquserluuteqarfigaa.

Aamma atuarukKNI-mi naatsorsuusiornermi pisortaq soraarsinneqartoq

5,4 millioninik taarsiisussanngortinneqarnermi saniatigut ernianut suliallu illoqarfiup eqqartuussiviani Danmarkilu eqqartuussisuuneqarfimmi ingerlanneqarneranut aningaasartuutinik akiliissussanngortinneqarpoq.

Pisoq nuanninngitsoq

Suliffeqarfiup pisortaanerata, Jeppe Jensenip aalajangiineq ilorrisimaarutigilluinnarpaa.

- Illoqarfiup eqqartuussiviata aalajangiinera Østre Landsretimiit atuuttussanngortinneqarnera assorsuaq naammagisimaarpara. Inuit ataasiakkaat KNI-mut eqqunngitsumik iliornermikkut unneqqaserluttumillu pinermikkut KNI-mut aningaasanik annaasaqartitsisimagunik akisussaatinneqarnissaat eqqartuussutip naqissuserpaa, taanna oqarpoq.

- Østre Landsretip eqqartuussineratigut suliffeqarfiup nalaassimasaa nuanniitsoq maanna anigorparput, pisortaaneq tusagassiuutinut nalunaarummi naggasiivoq.

Naatsorsuuserinermut pisortaasimasoq KNI-mi 2010-mit 2021-mut tassa peqquserluuteqarnerup paaseqarnissaanut naatsorsuuserinermut pisortaavoq.