Nunat ikiuussimasut Naalakkersuisut qujaffigaat

- Ajunaarnersuaq kalaallit nunaannilu upalungaarsimasut pisup aallartinneraniit sulisimanerat pillugu Ministereqatikka ataatsimiinnermi ilisimatitsissuteqarfigaakka. Danmarkip maannamut ikiuussimanera aammalu Savalimmiut Islandillu ikiuussinnaanissaminnik neqeroorutaat Naalakkersuisut annertuumik qujamasuutigaat" taamak oqarpoq Peqqissutsimut Nunanilu Avannarlerni Suleqatigiinnermut Naalakkersuisoq Agathe Fontain.

Suleqatigiinnermut Ministerit oqaaseqaatiminni oqaatigaat nunani avannarlerni ajunaarnersuaqartillugu suleqatigiit sulilersinneqarnissaannut piareersimallutik aammalu nunani avannarlerni suleqatigiit Kalaallit Nunaannit ikiorserneqarnissaq pisariaqartinneqarpat ikiuisussatut sulilersinneqarsinnaasut, tamanna Naalakkersuisunit kissaatigineqassappat.