Naalakkersuisut Narsami suliffissaaleqisut immikkut ittumik suliniuteqarfigileraat
Tusagassiorfinnut nalunaarut naapertorlugu, suliniuterpassuit assigiinngitsut maannakkut aammalu siunissami qaninnermi aallartinneqassapput.
Suliniutit inuussutissarsiornermi aalisarnermilu suliassanut aalajangersimasunut sanaartornermik suliassanik siuartitsinermit aammalu suliffeqanngitsut akornanni pikkorissartitsinermik suliniutinut tunngapput.
- Naalakkersuisut Kommune Kujallermik suleqateqarnerat naammagisimaarpara aammalu ukioq qaangiuppat Narsami suliffissaaleqisut amerlassusaanni tamanna takusinnaassagipput naatsorsuutigilluinnarpara, Vittus Qujaukitsoq, Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq erseqqissaavoq.
50 millionit immikkoortinneqarput
Narsami illuutinik isaterinissamut, iluarsaassinissamut allilerinissamullu 50 millioner koruunit sinnerlugit Naalakkersuisut immikkoortitsisimanerat tassani aalajangersimasumik pineqarpoq.
Tamatuma peqatigisaanik Nunaqarfinni isorliunerusunilu Inuussutissarsiornermut Suliffissaqartitsiniarnermullu suliniuteqarnermit Kommune Kujalleq 2,5 millioner koruuninik pissarsitinneqarpoq, tassani suliassanut attuumassuteqartunut aningaasaliissutit ilai Narsamut eqqaanullu tunniunneqarnissaannik kommuni periarfissaqarluni.
Aamma illoqarfimmi suliffissanik pilersitsisinnaanissamut, Narsami tunitsivimmut saarullittassiinissamik periarfissat Naalakkersuisut misissorpaat.
