Tuttutassat pillugit Naalakkersuisut paatsuugaqartut
Maleruaqqusat allanngortinneqarnerisigut, Nuummi sunngiffimmi piniartut tallimanik taamaallaat tuttunik pisaqarsinnaatitaalerput, tuttunniarnissamullu qinnuteqarnermi sumi tuttunniarnissaq aalajangersimasumik toqqarneqartalerluni.
Mianersortumik piniarnissaq anguniarlugu tuttunniarnerup killilersimaarneqarnissaanut, piniarnermut naalakkersuisup, Nikolaj Jeremiassenip tunngavilersuutigaa.
Mianersortumillu piniarnissamut atatillugu Naalakkersuisunit paatsoorneqarsimasoq, Pinngortitaleriffiup akissutaani atuarneqarsinnaavoq.
Tuttut ukiuni kingullerni kisinneqarsimanngillat, taamaattumik killilersuinani nerisaqarsinnaassusaat aallaaviusariaqarsorineqarpoq.
Nuup eqqaani amerlanerusunik pisaqarnissaq, kissaatiginartinneqaraluarpoq, matumani tuttut amerlassusaat ukkanneqanngimmata. Ameralimmi, Kangerlussuup Sisimiullu akornanni, Akia-Maniitsumilu tuttutassat killeqanngitsumik tuttunniarsinnaanneq, Pinngortitaleriffimmit kaammattuutigineqarpoq.
Pinngortitaleriffik Kangerlussuup Sisimiullu akornanni Akia-Maniitsumilu 2010-mi kisitsipput, 2012-imilu Ameralimmi kisitsillutik. Taamani tuttorpassuaqartutut nalilerneqarpoq, allaat tuttut neriniarfissaat killeqalersimallutik
Tuttut nerisaqarsinnaassusaat aallaavigalugu mianersortumik tuttunniartoqarsinnaavoq, tuttummi amerlassussat pineqanngimmata.
Taamaattoq nunatta kitaanit Nuussuup qeqertaanut ukiuunerani sivikinnerusumik tuttunniartarnissaq kaammattuutigineqarpoq.
Tuttunniarneq aggustip aallaqqaataani aallartissaaq.
Inuussutissarsiutigalugu piniartut oktobarip 15-t tikillugu tuttunniarsinnaassapput, sunngiffimilu piniarluttartut septembarip 30-at tikillugu pisiniarsinnaassallutik.
Aamma atuaruk WWF: Tuttut amerlanerusut pisarineqartariaqarput
Aamma atuaruk Tuttut pisassiissutigineqartussat isornartoqartinneqarput
Aamma atuaruk KNAPK: Tuttutassat ikilisinneqarnerat isumatusaarneruvoq
Jagtzoner
Aamma atuaruk Pinngortitaleriffimmit akissut
