Naalagaaffeqatigiinnermut tapersersuisut ingerlaaqatigiinnerat iluatisinngitsoq

Taamaattoq aaqqissuisoq, Jarius Lyberth ingerlaaqatigiinneq pillugu naammagisimaarinnippoq.

Sermitsiaq.ag. taama allaaserisaqarpoq. 

- Amerlanngikkaluarluta iluatsinngitsoortut taarusunngilara, oqariartuutigineqartorli pingaarneruvoq Jarius Lyberth nittartakkamut taama oqarpoq.

Naalagaaffeqatigiinnermut tapersersuisut Københavnimi ingerlaateqatigiinnerannut atatillugu arlallit oqalugiarput. Forsvarsakademimi pisortaq, Niels Wang uniformilisarluni ingerlaaqataasoq, Folketingemi Det konservative Folkepartineersoq, Rasmus Jarlov aamma Naalagaaffeqatigiinneq pillugu peqatigiiffimmi siulittaasoq, Nauja Lynge oqalugiartuupput.

Kalaallit Nunaat naalagaaffeqatigiinnermit anissappat ajuusaarnassaaq, Rasmus Jarlov ilaatigut oqarpoq. 

- Taamatut avissaassagaluarutta nunagisannit anisitaasutut misigissagaluarpara, Rasmus Jarlov Sermitsiaq.ag-mut oqarpoq.

AAMMA ATUARUK Naalagaaffeqatigiinnit aninialersaanngilagut