Naaja: Pinngitsaaliilluni arnerinerni qaffasinnerpaajuvugut - kanngusuttariaqarpugut
- Sunali ajornerpaava? FN-ip uppernarsaasiinera imaluunniit ukiorpassuanngortuni ajornartorsiummik ilisimannissimasugut annertunerusumillu iliuuseqarsimanata? Naaja Nathanielsen aperivoq, tassuunatigullu iliuuseqarnissatsinni inorsarsimalluinnarluta nassuerutigisariaripput oqaatigalugu.
Pinngitsaaliilluni arnerinninnerit Naalakkersuisut nakuuserfigitinnernut iliuusissiaanni ataasiaannarluniluunniit taaneqarsimannginnerat taassuma aamma isornartorsiorpaa.
AAMMA ATUARUK Kisitsisit qaffasinnerujussui Naalakkersuisup ernumanartoqartippai
Pinerluttulerinermi inatsisip pinngitsaaliilluni arnerinermut tunngasortaata sukaterneqarsinnaanissaa pillugu Naalakkersuisunut 2013-imi apeqquteqaateqarsimanini Naaja Nathanielsenip eqqaasitsissutigaa, taamanikkullu Naalakkersuisup Martha Lund Olsenip neriorsuutigaa tamanna pillugu danskit naalakkersuisui tamanna pillugu saaffigineqarumaartut, Naaja Nathanielsenilli maanna oqaatigaa maannamut susoqarsimanngitsoq, nangitsisumillu aamma apeqquteqaqqinniarluni.
Pinngitsaaliilluni arnerisoqartarnerata akuerineqarsinnaanngilluinnartuunera paasitinneqartariaqartoq, taanna isumaqarpoq:
AAMMA ATUARUK Nunatsinni pinngitsaaliinerit nunarsuarmi amerlanersaasut
- Angutit iluameersut apereqqaartariaqarput arnallu nakuuserfigalugit atoqateqarfigissanagit - ila nunami maani "angutit iluameersut" taama ikitsigisimaneramik? Naaja Nathanielsen aperivoq, Pissusipalaallu kanngunartup kalaallinut angutinut tuniluutinnginnissaanut Nunatsinni angutit ataatsimoorussinissaat aamma qilanaaralugu.