Nakkarsaaneq sakkortuuumik sunniuteqartarpoq

- Qinngasaarisarneq nakkarsaasarnerlu misigissutsikkut sakkortuumik pineqartunut sunniuteqarsinnaasarpoq taamaattumik pingaaruteqarpoq meeqqat meeraqatiminnut inoqatiminnullu ataqqinninnermik akaarinninnermillu ilinniartissallugit, taama oqarput, Ilinniartitaanermut Naalakkersusioq Doris Jakobsen aamma Ilinniartitsisut kattuffianni IMAK-imi siulittaasoq Karl-Frederik Danielsen ataatsimoorlutik tusagassiuutinut nalunaaruteqarlutik.
Nuummi Atuarfik Ukaliusaq Assi © : Simon Uldum
Allattoq Jonas Fievé
maajip 25-at 2017 13:33
Nutserisoq Jaaku Lyberth

 

AAMMA ATUARUK Kanngunarsaarisoqarnera politiit ilungersunarluinnartutut isigaat

Tamaa nalunaaruteqartoqarpoq,  niviarsiaqqap 14-nik ukiullip Nuummi atuarfiit ilaanni Ukaliusami  atuartup aalajangersoriarlugu kivilermassuk assilisaqattaarlugu, tamannalu pivoq atuartut naggataarnersiornerani  pingasunngornermi.

AAMMA ATUARUK Jensip pania kanngusaarneqartoq

Taakkua oqarnerat naapertorlugu, pingaaruteqarpoq meqqat inoqatitsinnut ataqqinninnermik akaarinninnermillu ilinniartissallugit.

Eqqaamasariaqarparpulli, peqatigiinnerit, assersuutigalugu meeqqerivinni atuarfinnilu, pissusissamisuunngitsut pinngorsinnaasarmata, taamaammat inersimasut akisussaassuseqarnertik eqqaamasariaqarpaat qanoq sinaakkutaqartariaqarnermut ersarissumik isummernissartik, qanoq ililluni ataatsimooqatigiiffinnik pitsaasunik naligiiffiusunillu pilersitsisoqarsinnaanersoq, Doris Jakobsen aamma IMAK-ip siulittaasua Karl Frederik Danielsen tusagassiuutinut nalunaaruteqarlutik taama erseqqissaapput.
 

  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq