Naggataarnersiorneq Jensip pania kanngusaarneqartoq
Atuarfimmi Ukaliusami Nuummiittumi naggataarnersiortut ilaat niviarsiaraq atuartoq aaliangersoriarlugu kivilersimavaat, allallu assiliisimallutik.
Niviarsiaqqamut kanngusaarneqartumut ataataasup, Jens B. Frederiksenip, pisoq politiinut unnerluutigisimavaa.
- Pisoq politiinut unnerluutigaara, paasisakkalu malillugit iliuuseqartoqalerpoq, ataataq kamaqqaqisoq KNR-imut oqarpoq.
Niviarsiaraq kanngusaarneqartoq aliasoqaaq.
- Paniga sequmiiveqqavoq. Inuit nittartakkakkut naapittarfianni assinik ikkussisut ingerlatitseqqiisulluunniit unnerluutigissavakka, Frederiksen oqarpoq.
Ukaliusami atuarfiup pisortaa naggataarnersiortut oqaloqatigereerlugit angerlartippai.
- Soorunami ullup pisarnertut ingerlassannginnera ajuusaarutigaat. Taamaattoq paasinnipput. Atuartut naggataartut ataasiakkaat naggataarnersiortut sinnerisa ulluat aserorpaat, Karno Lynge oqarpoq.