Inatsit allanngormat ataatassarsiuussinerit amerlisut

Inatsisitigut ataataqanngitsut ikinnerpaamik aqqaneq marluk kina ataatagivinnerlugu paasiniaarnermini inatsit nutaaq naataaq atorsimavaat. Nunatsinni eqqartuuuss ivimmit kisitsisit taama takutitsipput.

Aningaasat taakku Danmarkimi ilaqutariit kalaallit oqaasii kulturiallu eqqarsaatigalugit apersorneqartalernissaannut taakkununngalu kalaallisut paasissutissaliornermut atorneqassapput.

Allattoq Helle Nørrelund Sørensen

apriilip 01-at 2015 13:14

Inuit ikinnerpaamik aqqaneq marluk, meeqqat pillugit inatsisip nunatsinni atuutilinnginerani inunngorsimasut, ataatavimmik kinaanerani paaserusullugu suliamik aasarli kingulleq aallartitsisimapput.

Inatsisitigut ataataqanngitsunut allatulli kina ataataginerlugu paasisinnaanngortillugu siorna juunip aallaqqaataani inatsiseqalermat tamanna pivoq.

Aamma atuaruk Inatsisitigut ataataqanngitsoq peqatigiiffilorusuppoq

Ataatassarsiuussinernik suliat sumiiffinni eqqartuussivinni suliarineqarput. Eqqartuussisoqarfinni Kujallermi, Sermersuumi Qeqqanilu tamarmik immikkut inatsisitigut ataataqanngitsut pillugit sulianik sisamanik-tallimanik juunip aallaqaataaniilli aallartitsisimapput.

Eqqartuussisoqarfik Qaasuitsumi suliat qassit aallartineqarsimanersut suli nalunaarsorsimanngilaat.

Inatsisitigut ataataqanngitsut amerlasuut suliassanngortitseriataassangaluarpata, eqqartuussiviit inatsisilerituunik Danmarkimeersunik ikiorserneqassasut inatsimmik allanngortitsinermi neriorsorneqarput

ataatassarsiuussinernili inatsisilerituunik amerlanerusunik maammanut pisariaqartitsisoqanngilaq.

Paarlattuanilli ataataasup kinaanerata ilisimaneqannginera pissutigalugu ataatassarsiuussinerit eqqartuussivinni taakkunani sisamani suliat ukiuni kingullerni pingasuni 40 procentinik ikileriarsimapput.