Meeqqat pillugit suliniutip meeqqat angerlarsimaffiup avataanut inissinneqartarnerinik pinaveersaartitsisoq

Meeqqat inuusuttullu inuuniarnermikkut ajornartorsiortut pillugit suliniutip meeqqat avataanut inissinneqartarneri pinaveersaartippai. Peqatigiiffik Kalaallit Meerartaanni suliniummi aqutsisoq Majken Gøtske Danmarks Radioanut taama oqarpoq.

Aningaasat taakku Danmarkimi ilaqutariit kalaallit oqaasii kulturiallu eqqarsaatigalugit apersorneqartalernissaannut taakkununngalu kalaallisut paasissutissaliornermut atorneqassapput.

Allattoq Jonas Løvschall-Wedel

apriilip 04-at 2016 10:36

Nutserisoq Sara K. Jakobsen

- Meeqqat angajoqqaaminiinnerusalermata nuannaarutigeqaarput. Tamannalu pitsaasuuvoq, Majken Gøtske oqarpoq.

Suliniutip "Danmarkimi inuuneq pitsaanerusoq" illoqarfinni arlaliusuni ingerlanneqarnerani ukiut pingasunngulerput.

Kalaallit meeqqat ilaqutariillu inuuniarnermikkut ajornartorsiortut nutserisumik neqeroorfiginissai suliniutip siunertaraa.

Kalaallit inuuniarnermikkut ajornartorsiortut nutserisut ikiortigalugit kommuninut attaveqartinneqartassapput, meeqqallu ulluinnartik qimallugu sapaatip-akunnerisa naanerini tammaarsimaartinneqartassallutik.

- Meeqqat pitsaasumik peroriartortinneqarnissaat inersimasunngorunillu ajunngitsumik atugaqarnissaat qulakkeerniarlugu taamatut siunertaqarpoq. Meeqqat tamatigut atuariartortarnissaat piareersarsimallutillu ullaakkorsiortuartarnissaat ilaatigut ulapputigaarput, Majken Gøtske DR-imut oqaluttuarpoq.

Suliniut Aarhusimi, Aalborgimi, Esbjergimi Københavnimilu ingerlanneqarpoq.

Aamma atuaruk Siunissaq qaamanerusoq ujartorlugu Danmarkimut nuuttut

Aamma atuaruk Danmark meeqqat atugarliortut ikiorsiivigineqarneranni ikiuukkusuppoq