Siunissaq qaamanerusoq ujartorlugu Danmarkimut nuuttut
Ernertik Aspergers syndromimik nappaateqartoq pitsaanerusumik siunissaqaqqullugu Danmarkimut nuussimapput. Nittartagaq isummersorfiusoq SOS Kommunikation taama allaaserisaqarpoq.
Ernerat Jyllandip avannaani specialskolemi maanna atuarpoq ulluinnarnilu ingerlallualersimalluni. Paniat Nunatsinnit 2013-imi nuuttoq nukarlequtaatulli aamma ingerlallualerpoq. Michael Egede Jensenilli pania angajulleq angutaatinilu Nunatsinni suli najugaqarput, taakkuli aamma nuussagunarput.
- Meeqqiorusupput, Nunarpulli peroriartorfissallugu meeqqanut pitsaasuunngilaq, aamma Danmarkimi ilinniartitaanerup qaffasissussaa pilerinartippaat. Tamatuma saniatigut nuliama qatanngutai marluk angajoqqaavilu maanga nuunnialersaarput, Michael Egede Jensen sos-kom.dk-mut taama oqarpoq.
Aamma atuaruk Nunatsinni innuttaasut ikiligaluttuinnarput
Nunaqqatit politikerillu iliuuseqartariaqartut
Jyllandip avannaani najugaqarneq periarfissarpassuarnik aammaassinerarpaa, Nunatsinnilu pissutsit iluarsiniarnissaannut iliuuseqartoqarpiannginnera pillugu Nunatsinni eqqarsartaaseq Nunatsinnilu aqutsisut isornartorsiorpai.
- Nammineq aalajangiisinnaaneq ilikkartariaqarparput. Maannakkummi issiaannarluta allat uagut sinnerluta aalajangiinissaat utaqqiinnartarparput.
- Aamma politikerit allanngueqataasariaqarput. Naalakkersuisut siulittaasuata Kim Kielsenip pissutsinik allannguisinnaanissaa neriuutigigaluaratsigu, pissutsilli taamaaginnarput, Michael Egede Jensen taama isumaqarpoq.
Aamma atuaruk VIDEO Atuartut angisuungorunik sunngorusunnersut aperissallugit pingaaruteqarpoq
Aamma atuaruk Nivi Olsen: Atuarfeqarfiit iliuuseqarfigineqassapput
Naatsorsueqqissaartarfiup kisitsisaatai naapertorlugit innuttaasut 2015-imi 137-nik ikileriarsimapput. Inoqarfinni innuttaasutigut amerliartorfituaasoq tassaavoq Kommuneqarfik Sermersooq, Nunatsinni innuttaasut 31 procentii Nuummi najugaqartuullutik.