Meeqqat atuarfiat aaqqinneqaruni aningaasaqarnermut iluaqutaassaaq
Naalakkersuisut aaqqissuusseqqinnissamut piffissami kingullermi siunnersuutaat Inuit Ataqatigiinnit qularnartoqartinneqarput. Inuit Ataqatigiilli aaqqissuusseqqinnernut akerliunngitsut, Olsvigip erseqqissaatigaa.
Aningaasaqarnermut Siunnersuisoqatigiillu meeqqallu atuarfianni tigussaasumik iliuuseqartoqarnissaanik kaammaattuuteqarnerat Inuit Ataqatigiinnit taperserneqarpoq.
- Uani assat kialaartut nukittunissaat pingaaruteqarluinnarpoq. Tamatumani ilinniartitsisut sulinerminni avatangiiserisaat qaqilertorneqartariaqarpoq. Taamatuttaaq pingaaruteqarpoq ilinniarfissuarmi ilinniartunut ilinniutigineqartut imarisaat sulilernermilu tunngaviusut ataqatigiissarnerunissaat. Ullumikkummi ataqatigiinngippallaarneri ersarissaavigineqartuarmat. Ilinniarfissuup aaqqiivigineqartariaqarnera nalornissutigineqassanngilaq, Sara Olsvig allappoq.
Aamma atuaruk IA-p siunnersuutimi sumit aningaasalernissaat oqaatiginngilai
Innuttaasunut kiffartuussineq ajorseriassanngilaq
Nunatta aningaasaqarnera Namminersorlutik Oqartussat ingerlataqarfiini nutarsaanikkut allaffeqarfiinilu pitsanngorsaanikkut pitsaanerulersinneqarsinnaasoq, Inuit Ataqatigiit isumaqarput.
Allaffissornikkulli sumerpiaq pitsanngorsaasoqassanersoq, Sara Olsvigip nassuiaatiginngilaa. Innuttaasulli kiffartuunneqarnerata ajorseriarnissaa partiip akuerinianngilaa.
Aamma atuaruk Olsvig: Inuiaqatigiinni sanngiinnersagut akiliissanngillat
Aningaasaqarnermut Siunnersuisoqatigiit ingerlatseqatigiiffinnut Namminersorlutik Oqartussanit pigineqartunut piginneqataaffigineqartunullu misissuinissaat Olsvigip kaammattuutigaa.
- Namminersortunngorsaanerit ammaaniarnerillu pillugit oqallinnerit ullumikkut ingerlanneqartut ikkappallaartutut isigaavut. Inuit Ataqatigiit qitiutitaat tassaapput innuttaasut atugaat naligiinnginnerullu akiornissaa, Sara Olsvig allappoq.
Aamma atuaruk IA: Siunnersuutigut siunissamut aningaasaliinerupput