Martha Lund Olsen: Kommunit isumaginninnermut tunngasut akisussaaffigaat
Kommuneqarfik Sermersuup borgmesteriata, Asii Chemnitz Narupip sapaatip-akunnerata siuliani ilaatigut oqaatigaa isumaginninnermut akisussaaffik, Naalakkersuisunit arsaarinnissutiginiarneqartoq, kommunillu nammineersinnaassusaat annertuumik innarlerneqartoq.
Isumaginninnermulli naalakkersuisoq maanna oqarpoq, Naalakkersuisut inatsisissatut siunnersuut aqqutigalugu pisinnaatitaaffilerneqarusupput, kommunip isumaginninnikkut ingerlatsineranik tamakkiisumik ilaannakortumilluunniit tigusinissaminnut. Tamannalu pisinnaassaaq nakkutilliineq takutippagu, kommunip assersuutigalugu, meeqqanut inuusuttuaqqanullu inatsisitigut pisussaaffigisani kivissinnaanngippagu.
Aamma atuaruk KANUKOKA siunnersuummut isumaqataanngilaq
Martha Lund Olsenillu aamma erseqqissaatigaa, Naalakkersuisut kissaatiginngimmassuk kommunit isumaginninnikkut oqaartussaaffiinik arsaarniarnissaat:
Aamma atuaruk Naalakkersuisut kommunit nakkutiginerulerniarpaat
- Naalakkersuisut kissaatigaat, isumaginnikkut iliuuseqaataasartut sapinngisamik innuttaasut qanimut suleqatigalugit ingerlanneqartariaqartut. Taamaakkaluartorli aamma periarfissaqarfigiumallugu, kommunip pisussaaffini annertuumik, sumiginnarsimappagit akulerussinnaanissamut periarfissaqarnissaq, Martha Lund Olsen allappoq.