Marlunngorneq aatsaat taama nillertigisoq

Sermersuup qiterpasissuani Summitimi ippassaani marlunngornermi ulloq tassaavoq juulimi aatsaat nunatsinni aatsaat taama qiianartiginera.

Summitimimi juulip ulluisa sisamaanni minus 33 gradinik issippoq, piffissallu taamaalinerani aatsaat taama issitsigaluni. Siorna piffissap taamaalinerani issinnerpaajugami minus 30,4 gradinik issippoq. Taassuma siornatigut issinnerpaaffiusutut nalunaarsorneqarsimasoq tassaavoq minus 27,7 gradit, juulip ulluisa 30-anni 1992-imi.

AAMMA ATUARUK 290 passagerer er fløjet frem - 60 venter stadig

Frank Nielsen, DMI-meersoq taama oqarpoq.

Sooq taama issitsigisimanersoq sukumiinerusumik nassuiaatissaqanngitsoq taassuma saniatigut aamma oqaatigaa.

- Kitaata sineriaani piffissami kingullermi pisarnermit qiianarneruneranut atassuteqarsimasinnaassaaq. Avannaanimi timmisartuussinerit allaat eqqorneqarsimapput, Frank Nielsen oqarpoq.

Kitaani ukioq manna ukiunut allanut naleqqiullugu qiianarneruvoq, Nuummi marlunngormat allaat nittaalluni.

Sermersuup qiterpasissuani nalunaarsuiffik Summit 3207 meterisut qatsissusilimmiippoq.

AAMMA ATUARUK Pujornera pissutaalluni avannaani angallannissat unitsinneqartut

AAMMA ATUARUK Aasaanerani kiannerpaaffiusoq nillernerpaaffiusorlu qaangerneqartut