Ilaasut apuunneqartut
Air Greenlandip ilaasui 290-it nassiussallu 2,5 tonsit maanna apuuffissaannut apuunneqarsimalereerput.
Allattoq Marie Kûitse Kristensen
Avannaani sapaatip akunnerata siuliani pujornera pissutaalluni teknikkikullu ajutoornerup kingunerisaanik angallanniarnermi inuppassuit eqqugaapput, taakkulu maanna apuuffissaminnut apuunneqareersut, Air Greenland nalunaaruteqarpoq.
- Ilaasut 290-it sapaatip akunnerata naanerani apuuffissaminnut timmisartuunneqarput, massakkullu ilaasussat pingaartumik Uummannamut Qaanaamullu 60-it missaanniittut apuuffissaminnut suli utaqqipput.
Taakkulu marlunngorpat apuunneqarnissaat naatsorsuutigineqarpoq.
Ilaasut angalanissaminnut apeqqutissaqarunik 701212-imut sianerlutik paasiniaasinnaapput.